Taman Software

" Percumah anjeun mah, ngendog teh mani laleutik?" ceuk meri ngamimitian nyarita. " Tah contoan kuring, ngendog mah kudu badag kieu!"

Puyuh teu nembalan.

" Dina segi ekonomi oge kuring leuwih punjul. Endog kuring mah bisa dijual sarebu, ari endog anjeun mah ukur... saratus perak!" ceuk meri nyarita deui.

" Jadi sabaraha bedana harga endog kuring jeung endog anjeun teh?" ceuk puyuh malik nanya.

" nya salapan ratus perak atuh!" tembal meri bari tetep sombong jeung umangkeuh.

" Tah kuring mah panghoream-hoream na migawe pagawean picilakaeun" cuk puyuh nyarita deui.

" Maksud anjeun?" 

" Enya, sabenerna mah kuring ge bisa ngendog anu gedena sagede endog anjeun. Ngan kuring mah hoream."

" Naha make hoream?". ceuk meri semu panasaran.

" Nya hoream atuh. Pira ge ngudag duit salapan ratus perak, ari heg kudu jebol bujur!" ceuk puyuh bari ngaleos.


sumber: HR. Priangan 13-03-2010